ଓଡିଶା

କଲେଜ ନ ଯାଇ ଦରମା ନେବା ଦୁର୍ନୀତି କି?

ଭୁବନେଶ୍ୱର: ରାଜ୍ୟ ସରକାର ଦୁର୍ନୀତି ବିରୋଧରେ ଶୂନ୍ୟ ସହିଷ୍ଣୁତା ଅବଲମ୍ବନ କରୁଥିବା ବାରମ୍ବାର କୁହାଯାଉଛି । କସ୍ମିନ କାଳେ ସରକାର କୌଣସି ପ୍ରକାରର ଦୁର୍ନୀତିକୁ ପ୍ରଶ୍ରୟ ଦେବେ ନାହିଁ, ଦୁର୍ନୀତିଖୋରଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ଓ ଯିବ କହୁଛନ୍ତି । ବହୁ ସମୟରେ ବହୁ ସରକାରୀ କର୍ମଚାରୀଙ୍କୁ ମଧ୍ୟ ଚାକିରିରୁ ନିଲମ୍ବନ, ବହିଷ୍କାର, ବାଧ୍ୟତାମୂଳକ ଅବସର ଦେଇ ବାହାବା ନେଉଛନ୍ତି । କିନ୍ତୁ ଦୁର୍ନୀତି ଦଳୀୟ କର୍ମକର୍ତ୍ତାଙ୍କ ସହଯୋଗରେ ତା ବାଟରେ କାୟା ମେଲାଇ ଚାଲିଛି । ହେଲେ ଏହି ସହଯୋଗିତାପୂର୍ଣ୍ଣ ଦୁର୍ନୀତି ବିରୋଧରେ ସରକାର ଜାଣି ଅଜଣା ହେଉଛନ୍ତି । ଯାହାର ଏକ ସଦ୍ୟ ଉଦାହରଣ କାମାକ୍ଷାନଗର କଲେଜରେ ଦେଖିବାକୁ ମିଳିଛି । ଦଳର ଜଣେ ମନ୍ତ୍ରୀଙ୍କ ପାୱାର ବଳରେ କିପରି ସରକାରୀ କାର୍ଯ୍ୟ ନ କରି ଦରମା ହାତାଯାଉଛି ତାର ଏକ ଚିତ୍ର ସାମ୍ନାକୁ ଆସିଛି । ଆଉ ଏହି ଅନୈତିକ କାର୍ଯ୍ୟ କରିଛନ୍ତି ମନ୍ତ୍ରୀଙ୍କ ପରିବାର ସଦସ୍ୟ, ମନ୍ତ୍ରୀଙ୍କ ବୋହୂ । ବୋହୂ ଜଣେ ଅଧ୍ୟାପିକା । କିନ୍ତୁ ବର୍ଷରେ ଦିନଟିଏ ମଧ୍ୟ କଲେଜ ନ ଯାଇଥିଲେ ମଧ୍ୟ ମୋଟା ଅଙ୍କର ଦରମା ଉଠାଇ ଚାଲିଛନ୍ତି । ମନ୍ତ୍ରୀଙ୍କ ବୋହୂଙ୍କ ଏତାଦୃଶ କାର୍ଯ୍ୟକୁ ନେଇ ନା କଲେଜ ଅଧ୍ୟକ୍ଷ ନାହିଁ ଅନ୍ୟ ସହକର୍ମୀ ମୁହଁ ଖୋଲିଛନ୍ତି । କିନ୍ତୁ ସୂଚନା ଅଧିକାର ବଳରେ ମନ୍ତ୍ରୀଙ୍କ ପରିବାର ବର୍ଗଙ୍କ ଏପରି ଗୁମର ଏବେ ପଦାକୁ ଆସିଛି ।

ସୂଚନା ଅଧିକାରୀ କର୍ମୀ ଜୟକୃଷ୍ଣ ବେହେରା କଲେଜରେ ବହି କିଣିବାକୁ ନେଇ ବ୍ୟାପକ ଅନିୟମିତତାର ତଦନ୍ତ କରିବା ପରେ ବୋହୂମା ୨୦୧୬- ୨୦୧୮ ପର୍ଯ୍ୟନ୍ତ ମୋଟରୁ କଲେଜ ଯାଉ ନ ଥିବା ଜଣାପଡିଥିଲା । ହସ୍ତଗତ ହୋଇଥିବା ତଥ୍ୟ ଅନୁଯାୟୀ, ରାଜ୍ୟ ଖଣି, ଇସ୍ପାତ ଓ ପୂର୍ତ୍ତ ବିଭାଗ ମନ୍ତ୍ରୀ ପ୍ରଫୁଲ୍ଲ କୁମାରଙ୍କ ବୋହୂ ଲିପ୍ସା ପ୍ରଧାନ କାମାକ୍ଷାନଗର ମହାବିଦ୍ୟାଳୟରେ ପ୍ରାଣୀ ବିଜ୍ଞାନ ବିଭାଗର ଅଧ୍ୟାପକ ଅଛନ୍ତି । ୨୦୧୬- ୨୦୧୮ ପର୍ଯ୍ୟନ୍ତ ବୋହୂମା ଦିନଟିଏ ମଧ୍ୟ କଲେଜକୁ ଯାଇ ନାହାନ୍ତି । ପିଲାଙ୍କୁ ପାଠ ପଢାଇ ନାହାନ୍ତି । କିନ୍ତୁ ପ୍ରତ୍ୟେକ ମାସରେ ନିଜ ଦରମା ଉଠାଇ ଚାଲିଛନ୍ତି । ତାଙ୍କୁ ରୋକିବାକୁ କି ଟୋକିବାକୁ କେହି ନାହାନ୍ତି । କାରଣ ମନ୍ତ୍ରୀ ହେଉଛନ୍ତି କଲେଜ ଗଭର୍ନିଂ ବଡିର ଅଧ୍ୟକ୍ଷ । ତେଣୁ ବୋହୂମା କଲେଜ ଯାଉ ନ ଥିଲେ ମଧ୍ୟ ଅଧ୍ୟକ୍ଷ ମୁହଁ ଖୋଲିବାର ଯୁ ରଖି ନ ଥିଲେ । ତାଙ୍କ ଅଧ୍ୟାପିକାଙ୍କ ସମ୍ପର୍କରେ ପଚରାଯିବାରୁ ସେ କହିଛନ୍ତି, ଅଧ୍ୟାପିକା ଉକ୍ରଳ ବିଶ୍ୱବିଦ୍ୟାଳୟରେ ପିଏଚଡି କରୁଛନ୍ତି, ତେଣୁ ଷ୍ଟଡି ଲିଭରେ ଥିଲେ । ୨୦୧୮ରୁ ସେ କଲେଜ ଆସୁଛନ୍ତି ।

ଅନ୍ୟ ପଟେ ଅଧ୍ୟାପିକାଙ୍କ ପିଏଚଡି ନେଇ ଉକ୍ରଳ ବିଶ୍ୱବିଦ୍ୟାଳୟକୁ ଆରଟିଆଇରେ ତଥ୍ୟ ମାଗିବାରୁ ବିଶ୍ୱବିଦ୍ୟାଳୟ ପକ୍ଷରୁ ଉତ୍ତର ମିଳିଛି ୨୦୧୬-୧୮ ମଧ୍ୟରେ ଲିପ୍ସା ପ୍ରଧାନ ନାମରେ କେହି ରେଜିଷ୍ଟ୍ରେସନ କରି ନାହାନ୍ତି । ଅର୍ଥାତ୍ ପିଏଚଡି ନ କରି, କଲେଜକୁ ନ ଯାଇ ମନ୍ତ୍ରୀଙ୍କ କ୍ଷମତା ବଳରେ ବୋହୂ ମା ସରକାରୀ ତହବିଲରୁ ମୋଟା ଅଙ୍କରେ ଦରମା ନେଇ ଘରେ ଅୟସ କରିଛନ୍ତି । ତେବେ ଏଠାରେ ପ୍ରଶ୍ନ ଉଠୁଛି, ସ୍ୱଚ୍ଛ ସରକାରର ଜଣେ ମନ୍ତ୍ରୀ କଣ ବୋହୂଙ୍କର ଦୀର୍ଘ ଦୁଇ ବର୍ଷ ଧରି କଲେଜ ନ ଯିବା ସମ୍ପର୍କରେ ଜାଣି ନ ଥିଲେ? ଯଦି ଜାଣିଥିଲେ ତେବେ ଏହା ବିରୋଧରେ କାହିଁ କାର୍ଯ୍ୟାନୁଷ୍ଠାନ ଗ୍ରହଣ କରି ନ ଥିଲେ? ନା ତଳତଳିଆ କର୍ମଚାରୀଙ୍କୁ ବଳି ଦେଇ ସରକାର ସ୍ୱଚ୍ଛତା ପ୍ରତିପାଦନ କରୁଛନ୍ତି?

ଏହି ଘଟଣାକୁ ନେଇ ଲୋକାୟୁକ୍ତରେ ଅଭିଯୋଗ ହେବା ପରେ ଲୋକାୟୁକ୍ତ ରାଜ୍ୟ ସରକାରଙ୍କୁ ଏହି ଘଟଣାର ତଦନ୍ତ କରି ୨ ମାସ ମଧ୍ୟରେ ରିପୋର୍ଟ ଦେବାକୁ କହିଛନ୍ତି।

Related posts

ବନ୍ୟା ଜଳରେ ବୁଡିଲା ଶିବ ଲିଙ୍ଗ

mahabharatanews

ଗଞ୍ଜାମରେ ସ୍ଥିତି ଅଣାୟତ୍ତ: ଘରଠୁ ଏକ କିମିରୁ ଅଧିକ ଦୂର ନଯିବାକୁ ଜିଲ୍ଲାପାଳଙ୍କ ପରାମର୍ଶ

mahabharatanews

ଗଞ୍ଜାମ ଜିଲ୍ଲାରେ ଜୁନ୍ ୩୦ ପର୍ୟ୍ୟନ୍ତ ବଢିଲା ଲକଡାଉନ୍ କଟକଣା

mahabharatanews

Leave a Comment