ଓଡିଶା

ଘରୋଇ ସ୍କୁଲ ଫି: ହାଇକୋର୍ଟଙ୍କ ନିର୍ଦ୍ଦେଶ ମିଳିଲା ପରେ ବିଭାଗ ନିଷ୍ପତ୍ତି ନେବ

ଭୁବନେଶ୍ୱର: ଘରୋଇ ସ୍କୁଲ ଫି ଛାଡ ନିଷ୍ପତ୍ତିର ଶୁଣାଣି କରି କୋର୍ଟଙ୍କ ରାୟ ପରେ ଆଜି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ପ୍ରତିକ୍ରିୟା ରଖିଛନ୍ତି କି, ହାଇକୋର୍ଟଙ୍କ ନିର୍ଦ୍ଦେଶ ସରକାରଙ୍କ ପାଖରେ ପହଞ୍ଚି ନାହିଁ । ଯାହା କିଛି ସୂଚନା ରହିଛି ତାହା ଗଣମାଧ୍ୟମ ଆଧାରିତ । ତେଣୁ ହାଇକୋର୍ଟଙ୍କ ନିର୍ଦ୍ଦେଶ ମିଳିଲା ପରେ ବିଭାଗ ନିଷ୍ପତ୍ତି ନେବ। କୋର୍ଟ ଘରୋଇ ସ୍କୁଲ ଫି ଛାଡ ଉପରେ ରାୟରେ କହିଛନ୍ତି, ରାଜ୍ୟ ସରକାର ଚାହିଁଲେ ଘରୋଇ ସ୍କୁଲ୍ ଫି ହ୍ରାସ କରିବା ଲାଗି ନିର୍ଦ୍ଦେଶ ଜାରି କରିପାରିବେ । ଏହାଛଡ଼ା କୌଣସି ଘରୋଇ ସ୍କୁଲ ନିର୍ଦ୍ଦେଶ ଅବମାନନା କଲେ ସରକାର ତାହାର ଏନ୍ଓସି ମଧ୍ୟ ପ୍ରତ୍ୟାହାର କରିପାରିବେ। ସ୍କୁଲ ଫିକୁ ନେଇ ଘରୋଇ ସ୍କୁଲ ଲାଭଖୋର ମନବୃତ୍ତି ରଖିପାରିବେ ନାହିଁ ।
କୋର୍ଟ କହିଛନ୍ତି, ୧୯୯୬ ମସିହା ସେପ୍ଟେମ୍ବର ୨୩ରେ ସ୍କୁଲ୍ ଓ ଗଣଶିକ୍ଷା ବିଭାଗ ଦ୍ୱାରା ଜାରି ରିଜୋଲ୍ୟୁସନ୍ ଆଧାରରେ ରାଜ୍ୟ ସରକାର ଫି ଧାର୍ୟ୍ୟ କରିପାରିବେ । ଯେକୌଣସି ଫି ବୃଦ୍ଧି କରିବା ପାଇଁ ଅଭିଭାବକଙ୍କ ସହ ଆଲୋଚନା କରାଯିବ ଓ ପାଠ୍ୟକ୍ରମ ମଝିରେ ଫିବୃଦ୍ଧି କରାଯାଇପାରିବ ନାହିଁ ବୋଲି ରିଜୋଲ୍ୟୁସନରେ ଦର୍ଶାଯାଇଥିଲା ।

 

Related posts

ଗୋଟିଏ ଦିନରେ ୧୫୯୪  ନୂଆ ସଂକ୍ରମଣ ଚିହ୍ନଟ 

mahabharatanews

କ୍ୱାରେଣ୍ଟାଇନ ପରେ ପ୍ରୋତ୍ସାହନ ରାଶି ମିଳିବାରେ ବିଳମ୍ବ ନେଇ ପ୍ରବାସୀ ଶ୍ରମିକଙ୍କ ଧାରଣା

mahabharatanews

ରଥଯାତ୍ରା ବନ୍ଦ ବେଳେ ଉଦଳା ଜଗନ୍ନାଥ ମନ୍ଦିରରେ ଶ୍ରୀ ଜୀଉଙ୍କ ପୂଜାର୍ଚ୍ଚନା

mahabharatanews

Leave a Comment