ଵାଣିଜ୍ୟ ଶିକ୍ଷା

ଭାରତରେ କୋଭିସିଲ୍ଡ ଟିକା ପରୀକ୍ଷା ସ୍ଥଗିତ

(ନୂଆଦିଲ୍ଲୀ): ‌କରୋନା ଟିକା ପରୀକ୍ଷା କରାଉଥିବା ‘ସିରମ୍ ଇନ୍‌ଷ୍ଟିଚ୍ୟୁଟ୍ ଅଫ୍ ଇଣ୍ଡିଆ’ ଭାରତରେ କୋଭିସିଲ୍ଡ ଟିକା ପରୀକ୍ଷା ସ୍ଥଗିତ ରଖିଛି। ‘ସିରମ୍ ଇନ୍‌ଷ୍ଟିଚ୍ୟୁଟ୍ ଅଫ୍ ଇଣ୍ଡିଆ’ ପକ୍ଷରୁ ଏକ ବିବୃତିରେ ଉଲ୍ଲେଖ କରାଯାଇଛି ଯେ ‘ଡ୍ରଗ୍ କଣ୍ଟ୍ରୋଲର୍ ଅଫ୍ ଇଣ୍ଡିଆ’ଙ୍କ ପାଖରୁ ନିର୍ଦ୍ଦେଶ ନ ଆସିବା ପର୍ୟ୍ୟନ୍ତ ଦେଶରେ କରୋନା ଟିକା ପରୀକ୍ଷା ବନ୍ଦ ରଖାଯିବ । ନିରାପତ୍ତା ଦୃଷ୍ଟିରୁ ଦେଶରେ କରାଯାଉଥିବା ଟିକାର ଦ୍ବିତୀୟ ଓ ତୃତୀୟ ପର୍ୟ୍ୟାୟ ପରୀକ୍ଷାରେ ସୃଷ୍ଟି ହୋଇଥିବା ପ୍ରତିକୂଳ ପ୍ରତିକ୍ରିୟାର ବିଶ୍ଳେଷଣ ରିପୋର୍ଟ ଦାଖଲ କରାଯାଇନାହିଁ ।

ମଙ୍ଗଳବାର ଦିନ ଆଷ୍ଟ୍ରାଜେନିକା ପକ୍ଷରୁ କୁହାଯାଇଥିଲା ଯେ, ଟିକା ପରୀକ୍ଷା କୁ ସ୍ଥଗିତ ରଖି ଟିକାର ନିରାପତ୍ତା ତଥ୍ୟାବଳୀ ଉପରେ ସମୀକ୍ଷା କରିବା ନିମନ୍ତେ ଗୋଟିଏ କମିଟିକୁ ଦାୟିତ୍ୱ ହସ୍ତାନ୍ତର କରିଛୁ । ବୁଧବାର ଦିନ ‘ସିରମ୍ ଇନ୍‌ଷ୍ଟିଚ୍ୟୁଟ୍ ଅଫ୍ ଇଣ୍ଡିଆ’ର ସିଇଓ ଅଦର ପୂନାୱାଲା କହିଥିଲେ ଯେ, ଭାରତରେ କରାଯାଇଥିବା ପରୀକ୍ଷାରେ କୌଣସି ଅପ୍ରୀତିକର ରିପୋର୍ଟ ହସ୍ତଗତ ହୋଇନାହିଁ । ତେବେ କରୋନା ଟିକାର ଦ୍ବିତୀୟ ଓ ତୃତୀୟ ପର୍ୟ୍ୟାୟ ହ୍ୟୁମାନ ଟ୍ରାଏଲ୍ କରାଇବାକୁ ‘ଡ୍ରଗ୍ କଣ୍ଟ୍ରୋଲର୍ ଅଫ୍ ଇଣ୍ଡିଆ’ ତରଫରୁ ‘ସିରମ୍ ଇନ୍‌ଷ୍ଟିଚ୍ୟୁଟ୍ ଅଫ୍ ଇଣ୍ଡିଆ’ କୁ ଅନୁମତି ପ୍ରଦାନ କରିଥିଲେ।

Related posts

ଦୁବାଇ ବିମାନବନ୍ଦରକୁ ୧୫ ଦିନ ପାଇଁ ଏୟାର ଇଣ୍ଡିଆ ବିମାନ ନିଲମ୍ବିତ

mahabharatanews

ହ୍ୱାଟ୍ସଆପ୍ ମାଧ୍ୟମରେ ହେବ ସ୍କୁଲ ଆଡ଼ମିସନ

mahabharatanews

୪୦ ବର୍ଷ ତଳକୁ ଖସିଯାଇଛି ଦେଶର ଜିଡିପି

mahabharatanews

Leave a Comment